Şəmkirdə Yenikənd Su Anbarında köməksiz qalan ata və oğul xilas edilib - VİDEO

Şəmkirdə Yenikənd Su Anbarında köməksiz qalan ata və oğul xilas edilib - <span style="color: red;">VİDEO
# 03 fevral 2014 08:39 (UTC +04:00)

Şəmkir. Azər Məmmədli - APA. Ötən gecə Şəmkirdə Yenikənd Su Anbarında köməksiz qalan ata və oğul Fövqəladə Hallar Nazirliyinin (FHN) xilasediciləri tərəfindən xilas edilib.

FHN-in Xüsusi Riskli Xilasetmə Xidmətindən APA-nın qərb bürosuna verilən məlumata görə, Yenikənd Su Anbarında su azalan vaxtı Bakı şəhər sakini, 1971-ci il təvəllüdlü Azər Abdullayev və onun oğlu 1995-ci il təvəllüdlü Eşqin Abdullayev anbarın kənarı ilə hərəkət edərək meşədə saxladıqları arılara baxmağa gediblər.

Qayıdarkən anbarda suyun səviyyəsi qalxıb və onlar kömək üçün FHN-in “112 qaynar xətti”nə zəng vurublar. Onlar saat 23 radələrində FHN-in xilasediciləri tərəfindən xilas ediliblər.

Qeyd edək ki, Yenikənd Su anbarı elektrik enerjisi istehsal etmək məqsədilə 2000-ci ildə istismara verilib. Anbarın ümumi həcmi 158 milyon kubmetrdir.

#
#

ƏMƏLİYYAT İCRA OLUNUR