Mətbuat Şurası jurnalist Mahal İsmayıloğlunu vəfatı ilə bağlı nekroloq yayıb

Mətbuat Şurası jurnalist Mahal İsmayıloğlunu vəfatı ilə bağlı nekroloq yayıb
# 29 avqust 2015 14:06 (UTC +04:00)

Bakı - APA. Mətbuat Şurası tanınmış jurnalist Mahal İsmayıloğlunun vəfatı ilə bağlı nekroloq yayıb.

Şuradan APA-ya verilən məlumata görə, Mahal İsmayıl oğlu Sadıqov 1957-ci ilin yanvar ayının 22-də Ermənistanın Kalinino rayonunun Evli kəndində anadan olub.1974-cü ildə Gürcüstanın Dmanisi rayonundakı Muğanlı kənd orta məktəbini bitirib.

1977-1982-ci illərdə Bakı Dövlət Universitetinin jurnalistika fakültəsində təhsil alıb.

1982-1984- ci illərdə İrəvanda nəşr olunan “Sovet Ermənistanı” qəzetində çalışıb.

1984-1987-ci illərdə C. Cabbarlı adına “Azərbaycanfilm” kinostudiyasında redaktor işləyib. 1987-1990-cı illərdə Neft Akademiyasının çoxtirajlı qəzetinin redaktoru olub.

1990-cı ildən Azərbaycanda ilk azad mətbuat orqanlardan biri olan “Aydınlıq” qəzetində fəaliyyət göstərib. 1995-ci ilin oktyabrından 2002-ci ilin aprel ayınadək “Xalq qəzeti”nin baş redaktoru olub. Ölkənin tanınan, ictimai rəyə təsir göstərən qəzetlərində müxtəlif mövzularda publisistik məqalələrlə çıxış edib.

İstedadı və işgüzarlıq qabiliyyəti ilə tanınan Mahal İsmayıloğlunun əziz xatirəsi doğmalarının, əzizlərinin və həmkarlarının qəlbində daim yaşayacaq.

Xatırladaq ki, Azərbaycan jurnalistikasının tanınmış nümayəndələrindən olan Mahal İsmayıloğlu dünən 58 yaşında dünyasını dəyişib.

Allah rəhmət eləsin!

#
#

ƏMƏLİYYAT İCRA OLUNUR