İsrail baş naziri Binyamin Netenyahu İsrailin İranla müharibəyə hazır olduğunu bəyan edib.
APA-nın "RİA Novosti" agentliyinə istinadən verdiyi məlumata görə, B. Netenyahu Nazirlər Kabinetinin iclasında deyib ki, İsrail şimal sərhədində düşmən İranın hərbi mövcudluğuna yol verə bilməz.
İsrail baş naziri Tehranın Suriyada hərbi iştirakının güclənməsini İsrailə qarşı fəaliyyət kimi qiymətləndirib. B. Netenyahu son aylar İran İslam İnqilabını Mühafizə Korpusunun Suriyaya hücum və müdafiə silahları, o cümlədən pilotsuz təyyarələr, hava hücumundan müdafiə vasitələri və "Yer-Yer" raketləri gətirdiyini qeyd edib: "Biz münaqişəyə səbəb olsa belə, İranın bizə qarşı aqressiv fəaliyyətini qətiyyətlə dayandıracağıq. İsrail vəziyyəti gərginləşdirməyə çalışmır, ancaq istənilən ssenariyə hazırdır. Zamanında hərəkətə keçməyən dövlətlər sonralar öz səhvlərinə görə böyük itkilərlə üzləşirlər".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
