"Tehran mülki nüvə zənginləşdirmə proqramına malik olmaq hüququndan heç vaxt güzəştə getməyəcək".
APA-nın Tehran bürosu xəbər verir ki, bunu İran Prezidenti Məsud Pezeşkian BMT Baş Assambleyasında çıxışı zamanı bildirib.
"Biz baş əyməyəcəyik və təbii hüququmuz olan bu imkandan imtina etməyəcəyik. Nüvə silahı yox, yeni dinc nüvə texnologiyasına isə heç bir məhdudiyyət yoxdur", - o bildirib.
Pezeşkian dinc nüvə texnologiyasını tərəqqi yollarının ayrılmaz hissəsi adlandırıb: "Biz enerjini cəmiyyətləri silahlarla təhdid etmək üçün deyil, tərəqqi naminə əldə etməyə çalışırıq".
Onun sözlərinə görə, İran nüvə silahı əldə etmək istədiyini dəfələrlə təkzib edib.
Pezeşkian ABŞ-İsrail müharibəsinin hava zərbələrində öldürülən Ali Rəhbər Əli Xameneinin şəklini qaldıraraq deyib: "İran terrorizmin qurbanı olub".
O vurğulayıb ki, İran heç bir ölkəyə hücum etməyib, özünü müdafiə edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
