Bakı. Yeganə Laçınzadə - APA-Economics. Azərbaycanda fəaliyyət göstərən kredit təşkilatlarında yerləşdirilmiş depozitlərin həcmi 2016-cı il iyunun 1-nə 23 mlrd. 148,1 mln. manat təşkil edib.
Azərbaycan Mərkəzi Bankından (AMB) “APA-Economics”ə verilən məlumata görə, bu göstərici ötən ilin müvafiq dövrü ilə müqayisədə 4 mlrd. 572,8 mln. manat və ya 24,6% çoxdur. O cümlədən, aprel ayı ilə müqayisədə mayda depozitlərin həcmi 590 mln. manat və ya 2,61% artıb.
Depozitlərin tərkibində 7,566 mlrd. manatı və ya 32,7%-i ev təsərrüfatları əmanətlərinin payına düşür. Əmanətlərin həcmi 2015-ci il iyunun 1-nə nisbətən 35,1 mln. manat və ya 0,46% azalıb.
Eyni zamanda hüquqi şəxslərin depozitlərinin həcmi bu ilin mayın 1-nə 15 mlrd. 582,1 mln. manata bərabərdir. Bu göstərici illik müqayisədə 4 mlrd. 607,9 mln. manat və ya 42% artıb.
Hüquqi şəxslərin depozitlərinin tərkibində 6 mlrd. 221,6 mln. manatı və ya 39,9%-i maliyyə təşkilatların depozitlərinin, 9 mlrd. 360,5 mln. manatı və ya 60,1%-i qeyri-maliyyə təşkilatların depozitlərinin payına düşür.
Yerli banklarda depozitlərin 4 milyard 450,8 milyonu (19,2%) manatla, 18 milyard 697,2 milyonu (80,8) isə xarici valyutada yerləşdirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
