Cənubi Koreyanın sabiq baş naziri, müstəqil siyasətçi Hvan Gyo An prezident seçkilərində namizədliyini geri çəkdiyini və "Vətəndaş Gücü" adlı mühafizəkar partiyanın namizədi Kim Mun Suya dəstək verdiyini açıqlayıb.
APA xəbər verir ki, bu barədə o, Facebook sosial şəbəkəsində yazıb
“Bu gün prezidentliyə namizədlikdən imtina etdiyimi bəyan edirəm. Namizəd nömrə iki – Kim Mun Sunu dəstəkləyirəm”, – deyə Hvan Gyo An yazıb.
Sorğu nəticələri Kim Mun Sunun şansını artırır
Realmeter sosioloji bürosunun 28 mayda açıqladığı sorğu nəticələrinə əsasən, müxalifətdə olan "Toburo" Demokrat Partiyasının namizədi Li Çje Myon respondentlərin 49,2%-nin dəstəyini qazanıb. Kim Mun Sunu isə 36,8% dəstəkləyib. Daha sonra Li Cun Sok (10,3%), Kvon Yon Guk (0,7%), Hvan Gyo An (0,4%), Son Cin Ho (0,2%) gəlib.
Namizədlərdən biri seçki kampaniyasını əvvəl dayandırmışdı
Əvvəlcə prezident postuna 7 namizəd qeydiyyatdan keçmişdi. 19 mayda Azadlıq və Birlik Partiyasının nümayəndəsi Ku Cu Va seçki kampaniyasını davam etdirməkdən imtina edib.
Hvan Gyo An-ın siyasi keçmişi
Hvan Gyo An 2016–2017-ci illərdə impiçment edilmiş prezident Pak Kın Xedən sonra Cənubi Koreya prezidentinin səlahiyyətlərini icra edib. O, 2015–2017-ci illərdə baş nazir vəzifəsində çalışıb və mühafizəkar düşərgənin nümayəndəsi olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
