Cənubi Koreyada leysan yağışların səbəb olduğu torpaq sürüşmələri və daşqınlar nəticəsində ölənlərin sayı 39-a çatıb.
APA xəbər verir ki, bu barədə Yonhap xəbər agentliyi məlumat yayıb. 9 nəfər itkin düşmüş hesab olunur.
***
21.24
Koreya Respublikasında son bir həftə ərzində güclü yağışlar nəticəsində ölənlərin sayı 33-ə çatıb, daha 10 nəfər itkin düşüb.
APA xəbər verir ki, Fəlakətlərin İdarə Edilməsi və Milli Təhlükəsizlik üzrə Mərkəzi Qərargahın məlumatına görə, ölkənin cənub-şərqindəki Kyonsanqbukdo və mərkəzi Çunçonqdo əyalətində 33 nəfərin meyiti tapılıb.
Son bir həftə ərzində ümumi yağıntının 500 mm-i keçdiyi əyalətlərdə növbəti leysan xəbərdarlığı edilib.
10 nəfər hələ də itkin sayılır, onlardan doqquzu Kyonsanqbukdo əyalətindədir.
Osonq şəhərində su basmış tuneldə avtomobillərdən 7 cəsəd çıxarılıb.
13 əyalətdən 8 minədək sakin təxliyə edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
