İran İraqla bütün sərhəd-keçid məntəqlərini bağlayıb.
APA-nın Tehran bürosunun məlumatına görə, bunu İranın Gömrük İdarəsinin sözçüsü Seyid Ruhullah Lətifi deyib.
O bildirib ki, hər iki ölkəyə sərnişinlərin və zəvvarların gediş-gəlişi dayandırılıb.
Gömrük İdarəsinin sözçüsü deyib ki, koronavirus pandemiyası səbəbi ilə quru sərhədlərdən yalnız xüsusi vizası və icazəsi olan şəxslərin, o cümlədən tələbələr, tacirlər, diplomatlar və mühəndislərin gediş-gəlişinə icazə verilir. İraqdakı müqəddəs ziyarətgahları ziyarət etmək üçün sərhəd-keçid məntəqəsinə müraciət edəcək sərnişin və zəvvarlar geri qaytarılacaq.
R. Lətifi qeyd edib ki, İraqın Kürdistan əyaləti ilə sərhəd-keçid məntəqəsi olan Pərvizxan keçid-məntəqəsində bu gündən giriş-çıxış tamamilə qadağandır. Onun sözlərinə görə, Pərvizxan sərhəd-keçid məntəqəsindən qanunsuz Kürdistana və oradan da ziyarət üçün Kərbəlaya səfər edildiyindən, hələlik bu sərhəd buraxılış məntəqəsindən giriş-çıxış qadağan olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
