Gün ərzində İsrailin hücumları nəticəsində Qəzzada 195 nəfər ölüb, 325 nəfər yaralanıb.
APA "Associated Press"ə istinadən xəbər verir ki, bu barədə HAMAS-ın nəzarətində olan Qəzzanın Səhiyyə Nazirliyi bildirib.
Sakinlər Qəzzanın mərkəzindəki Bureyc qaçqın düşərgəsinə, cənubdakı Xan Yunis qəsəbəsinə və Misir-Qəzza sərhədində yerləşən Rəfah qəsəbəsinə güclü atəş açıldığını bildiriblər.
Xatırladaq ki, bir neçə gün əvvəl İsrailin Baş naziri Benyamin Netanyahu müharibənin uzun müddət davam edəcəyini və hücumların miqyasının genişlənəcəyini bildirmişdi.
Qəzzanın Səhiyyə Nazirliyinin məlumatına görə, oktyabrın 7-də münaqişə başlayandan bəri İsrailin zərbələri nəticəsində Qəzzada 21 110 nəfər ölüb, 55 000-dən çox insan yaralanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
