Bakı-APA. Yaponiyanın baş naziri Sindzo Abe qasırğa səbəbindən Keniyaya səfərini yarımçıq kəsmək niyyətindədir.
APA-nın TASS agentliyinə istinadən verdiyi məlumata görə, S. Abe Keniyada Afrikanın inkişafı üzrə VI Tokio Beynəlxalq Konfransında iştirak edir.
S. Abe Tokioya öncədən planlaşdırılan müddətdən tez, avqustun 29-da qayıdacaq. Buna səbəb Yaponiya sahillərinə yaxınlaşan “Layonrok” qasırğasıdır. Baş nazir təbii fəlakətin nəticələrinin ləğv edilməsi əməliyyatının koordinasiyasında iştirak etmək niyyətindədir. Ancaq sinoptiklər hələ qasırğanın Yaponiya sahillərini vurub-vurmayacağını dəqiq proqnozlaşdıra bilmirlər. Bununla belə, sahil rayonlarının sakinlərinə qasırğa zamanı ən yaxınlıqdakı sığınacaqlara getmək tövsiyə edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
