Almaniya gələn il yanvarın 1-dən etibarən NATO alyansının çevik reaksiya qüvvələrinə daxil olan 11,5 min nəfərlik NATO-nun Yüksək Hazırlıqlı Birgə Əməliyyat Qrupuna rəhbərlik edəcək.
APA xəbər verir ki, bu barədə NATO-nun mətbuat xidməti məlumat yayıb.
NATO-nun sözçüsü Oana Lungesku qeyd edib ki, alyansın bu addımı öz ərazisinin hər qarışını müdafiə etmək niyyətini ifadə edir.
Almaniya 1 yanvar 2023-cü ildə komandanlığı öz üzərinə götürərək minlərlə hərbçisini bir neçə gün ərzində yerləşdirmək üçün hazır vəziyyətə gətirəcək.
Qeyd edək ki, NATO-nun Yüksək Hazırlıqlı Birgə Əməliyyat Qrupu bir il müddətinə bu məqsədlə xüsusi olaraq ayrılmış alyans dövlətlərinin bölmələrindən ibarətdir. 2023-cü ildə bu qüvvələrin əsasını Almaniyanın 37-ci tank-qumbaraatan briqadası təşkil edəcək. Almaniyadan başqa, alyansın səkkiz dövləti də (Belçika, Latviya, Litva, Lüksemburq, Hollandiya, Norveç, Sloveniya və Çexiya) öz ordusundan bu qrup üçün hərbçilər ayırır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
