İstanbul polisi xüsusi əməliyyat keçirib.
APA-nın İstanbul müxbiri “Anadolu” Agentliyinə istinadən xəbər verir ki, əməliyyat nəticəsində terror təşkilatı sayılan İnqilabçı Xalq Qurtuluş Partiyası Cəbhəsinə (kommunistlər - red.) üzv olmaqda şübhəli bilinən 27 şəxs saxlanılıb.
Qeyd olunub ki, onların yaşadığı ünvanlarda çoxlu sayda təşkilata dair sənəd və rəqəmsal materiallar ələ keçirilib.
Saxlanılan 27 şübhəlidən 13-ü müvafiq iş üzrə həbs edilib.