Kiyev Qərb müdafiə şirkətləri ilə Ukraynada silah, o cümlədən pilotsuz təyyarələr istehsalının yaradılması ilə bağlı danışıqlar aparır.
APA-nın xəbərinə görə, bunu “Reuters” agentliyinə müsahibəsində Ukraynanın strateji sənaye nazirinin müavini Serhiy Boev deyib.
Boevin sözlərinə görə, danışıqlarda Almaniya, İtaliya, Fransa və Şərqi Avropa şirkətləri iştirak edir. Ukrayna nümayəndəsi konkret ad çəkməkdən imtina edib.
Qeyd olunur ki, bir sıra Qərb şirkətləri dronların istehsalına investisiya yatırmağa hazır olduqlarını bildiriblər.