Moskvada Avrasiya İqtisadi Komissiyasının idarə heyəti sədrinin köməkçisi Dmitri Şedko yoxa çıxıb.
APA-nın Moskva müxbiri yerli KİV-ə istinadən xəbər verir ki, Dmitri Şedko üç gündür ki, tapılmır.
"Baza" telegram kanalı yazır ki, Dmitri Şedko Belarus vətəndaşıdır. Sonuncu dəfə Moskvada işləyib və Serpuxov Val küçəsində yaşayıb. O, Avrasiya İqtisadi Komissiyasının (Ermənistan, Belarus, Qırğızıstan, Rusiya, Qazaxıstanın daxil olduğu Avrasiya İqtisadi İttifaqının orqanı-red) idarə heyətinin sədri Mixail Myasnikoviçin köməkçisi vəzifəsində çalışıb.
Həmkarlarının dediyinə görə, Dmitri çox punktual və etibarlı işçi olub və həmişə hərəkətləri və ya istirahət günləri barədə xəbərdarlıq edib.
Şedko sonuncu dəfə martın 9-da görülüb və elə ertəsi gün yoxa çıxıb. O, mühüm görüşə gəlməyib və onun telefonu söndürülüb. Polis Şedkonun axtarışlarını davam etdirir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
