Rusiya Silahlı Qüvvələrinin Ukraynanın Sumı vilayətini atəşə tutması nəticəsində 3 nəfər həlak olub.
APA-nın “Unian”a istinadən verdiyi xəbərə görə, bu barədə vilayət polisi məlumat yayıb.
"Gecə yarısı Rusiya hərbçiləri Sumı rayonunun Verxnesyrovatskaya icmasının kəndlərindən birinə PUA-larla irimiqyaslı hücum həyata keçirib. Hücum nəticəsində 3 dinc sakin həlak olub. Onların arasında 8 yaşlı uşaq evin dağıntıları altından çıxarılıb. Hadisə zamanı daha 6 nəfər xəsarət alıb ki, onlardan da üçü uşaq olub. Yaralılar xəstəxanaya yerləşdiriliblər, onlara lazımi yardım göstərilir”, - məlumatda deyilir.
Hücum nəticəsində 30-a yaxın yaşayış binasına və 4 avtomobilə ziyan dəydiyi, ərazidə genişmiqyaslı yanğının başladığı qeyd edilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
