Ümumdünya Səhiyyə Təşkilatı (ÜST) Suriyada fəaliyyətini davam etdirmək niyyətindədir.
APA xəbər verir ki, bunu təşkilatın baş direktoru Tedros Adhanom Qebreyesus öz “X” səhifəsində deyib.
“Suriyada çalışan ÜST qrupları səhiyyə xidmətlərinin davamlılığını təmin etmək üçün öz yerlərində işləyirlər. Biz sağlamlıq xidmətlərinə ehtiyacı olan, uzun müddət əziyyət çəkən Suriya əhalisinə sadiq qalırıq. Səhiyyə işçiləri, obyektlər, nəqliyyat və təchizat qorunmalıdır. Biz bütün tərəfləri bu tələbə əməl etməyə çağırırıq. Biz həmçinin donorları ÜST və onun tərəfdaşlarını təcili olaraq resurslarla təmin etməyə çağırırıq ki, hamımızın həyatını xilas etmək missiyamıza nail ola bilək”, - deyə açıqlamada bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
