“TANAP layihəsi Avropa İttifaqının enerji təhlükəsizliyini təmin edəcək”.
APA-nın yerli bürosunun məlumatına görə, bunu Gürcüstan prezidenti Giorgi Marqvelaşvili Türkiyə prezidenti Rəcəb Tayyib Ərdoğanla telefon danışığı zamanı bildirib. G. Marqvelaşvili deyib ki, TANAP Aİ-nin Azərbaycan, Gürcüstan və Türkiyədən keçməklə əlavə qaz tədarükçüsü olacaq. O, Gürcüstanın bu layihədə iştirakınının vacibliyini də vurğulayıb.
Telefon danışığı zamanı R. T. Ərdoğan Gürcüstan prezidentini iyunun 12-də keçiriləcək TANAP layihəsinin açılış mərasimində iştiraka dəvət edib.
Dövlət başçıları söhbət zamanı Gürcüstan və Türkiyə arasında münasibətlərin inkişafı perspektivlərini də nəzərdən keçiriblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
