Azərbaycandan ABŞ-a kənd təsərrüfatı məhsullarının ixracına dair memorandum imzalanacaq

Azərbaycandan ABŞ-a kənd təsərrüfatı məhsullarının ixracına dair memorandum imzalanacaq
  • Clock-gray 14:45
  • calendar-gray 02 Dekabr 2020

Azərbaycanda İxracın və İnvestisiyaların Təşviqi Fondu (Azpromo) və ABŞ-Azərbaycan Ticarət Palatası (USACC) kənd təsərrüfatı məhsullarının ixracına dair ölkə rəhbərliyi səviyyəsində razılaşdırılmış memorandum layihəsi hazırlayır.

"APA-Economics"in məlumatına görə, bunu "Caspian Energy Club"ın təşkilatçılığı ilə keçirilən onlayn "B2G Forum"da çıxış edən Azərbaycanda İxracın və İnvestisiyaların Təşviqi Fondunun (Azpromo) prezidenti vəzifələrini icra edən Yusif Abdullayev deyib.

Onun sözlərinə görə, memorandumun imzalanması gələn ilin yanvar ayının sonunda nəzərdə tutulur: "Sənədə əsasən, kənd təsərrüfatı məhsulları istehsal edən 10-15 yerli şirkət seçiləcək ki, onlar 3 il ərzində konkret olaraq ABŞ bazarına fokuslanacaq. Layihəyə USAID və ABŞ səfirliyi də qoşulub".

Hüseyn Vəliyev

Digər xəbərlər