Çavuşoğlu: “Ermənistanda çevrilişə cəhdi qətiyyətlə pisləyirik” - YENİLƏNİB

Çavuşoğlu: “Ermənistanda çevrilişə cəhdi qətiyyətlə pisləyirik” - YENİLƏNİB
  • Clock-gray 15:44
  • calendar-gray 25 Fevral 2021

“Ermənistanda dövlət çevrilişinə cəhdi qətiyyətlə pisləyirik”.

APA-nın məlumatına görə, bu bəyanatla Türkiyənin xarici işlər naziri Mövlud Çavuşoğlu çıxış edib.

O, harada olursa olsun, Türkiyənin çevrilişlərə qarşı olduğunu bildirib.

“Demokratik ölkələrdə xalq istefa tələb edə bilər, amma hərbçilərin xalqın seçdiyi hökumətə qarşı istefa çağırışı qəbul edilməzdir. Regionun sabitliyi üçün imkan var və bundan istifadə etmək lazımdır. Bölgədə Ermənistan və Azərbaycan arasında normallaşma və atəşkəsin davamlı olması kifayət deyil. Bölgə ölkələri ilə “3+3” formatında hansı addımları ata biləcəyimizə dair müzakirələr aparırıq. Hər bir ölkə daxilində sabitliyin olması vacibdir. Biz çevriliş cəhdlərinə qarşıyıq”, - deyə Türkiyə XİN başçısı vurğulayıb. 

***

15:12

“Ermənistanda dövlət çevrilişinə cəhdi qətiyyətlə pisləyirik”.

APA-nın məlumatına görə, bu bəyanatla Türkiyənin xarici işlər naziri Mövlud Çavuşoğlu çıxış edib.

O, harada olursa olsun, Türkiyənin çevrilişlərə qarşı olduğunu bildirib.

Qeyd edək ki, Ermənistan Silahlı Qüvvələrinin Baş Qərargahı fevralın 25-də Baş nazir N. Paşinyanın istefasını tələb edən bəyanatla çıxış edib.

N. Paşinyan Baş Qərargahın bəyanatını hərbi çevrilişə cəhd adlandırıb. O, Baş Qərargah rəisi Onik Qasparyanı vəzifəsindən azad etdiyini açıqlayıb.

Zümrüd Paşkin

Digər xəbərlər