Beynəlxalq Valyuta Fondunun (BVF) yenilənmiş proqnozuna əsasən, bu il Azərbaycanın tədiyə balansının cari əməliyyatlar hesabı profisitə qayıdaraq ÜDM-in 1,1% təşkil edəcək.
"APA-Economics"in fondun "World Economıc Outlook" hesabatının aprel buraxılışına istinadən verdiyi məlumata görə, 2022-ci ildə profisitin bir qədər daralaraq 0,5%-ə enəcəyi güman edilir.
Qeyd edək ki, Dünya Bankının yeni proqnozuna görə, cari ildə ölkənin cari əməliyyatlar hesabının profisiti ÜDM-in 2,8%-ni, 2022-ci ildə isə ÜDM-in 3,9%-ni təşkil edəcək.
Xatırladaq ki, Azərbaycanın 2020-ci il üzrə cari əməliyyatlar hesabının kəsiri 227,6 mln. ABŞ dolları və ya ÜDM-in 0,5%-ni təşkil edib. Halbuki 2019-cu ildə 4,4 mlrd. dollar profisit qeydə alınıb.