Dumanın sədri: “Bayden Putin haqda bəyanatı ilə Rusiya vətəndaşlarını təhqir edib”

Dumanın sədri: “Bayden Putin haqda bəyanatı ilə Rusiya vətəndaşlarını təhqir edib”
  • Clock-gray 17:46
  • calendar-gray 17 Mart 2021

“Baydenin Putin barədə dedikləri sağlam məntiqdən kənardır. Demokratik prinsiplərin daşıyıcısı roluna iddia edən ölkənin lideri özünü bu cür apara bilməz”.

APA-nın Moskva müxbirinin xəbərinə görə, bunu Rusiya Dövlət Dumasının sədri Vyaçeslav Volodin ABŞ prezidenti Co Baydenin Rusiya Prezidenti Vladimir Putin haqqında bəyanatına münasibət bildirərkən deyib.

“Bayden öz bəyanatı ilə ölkəmizin vətəndaşlarını təhqir edib. Bu gücsüzlükdən doğan isterikadır. Putin bizim prezidentimizdir, ona hücumlar ölkəmizə edilən hücumlardır”, - deyə V. Volodin vurğulayıb.

Qeyd edək ki, ABŞ prezidenti C. Bayden ABC telekanalına müsahibəsində Putinin 2020-ci ildə ABŞ-da keçirilən prezident seçkilərinə müdaxilə cəhdlərinə görə əvəz ödəyəcəyini bildirib. O, Rusiya Prezidentini yaxşı tanıdığını və onun ruhsuz olduğunu söyləyib.

Fərid Əkbərov

Digər xəbərlər