Ermənistanda ümummilli tətil və itaətsizlik aksiyaları başlayıb

Ermənistanda ümummilli tətil və itaətsizlik aksiyaları başlayıb
  • Clock-gray 12:43
  • calendar-gray 22 Dekabr 2020

Ermənistanda ümummilli tətil və itaətsizlik aksiyaları başlayıb.

APA-nın "news.am"a istinadən verdiyi xəbərə görə, "Vətəni Xilas Hərəkatı"nın yaydığı bəyanatda bildirilib ki, təxminən 20 şirkət Ermənistanda elan olunan ümummilli tətil və itaətsizlik aksiyalarına qoşulub.

Hərəkata qoşulanlar arasında "Erməni Milli Səhiyyə Şurası" koalisiyası, Erməni Restoranları Assosasiyası, "E.V. Partners", "Belis Armenia" hüquq şirkəti, "Calista Voyage" turizm şirkəti, "Bohemian Resort", "Hot Tours" şirkətləri, "Aksiom Med", "Volten Arma Group" klinikaları, "Saak korp", "Arminvest Group", "Deck", "Favorite", "Rogue", "AG home", "Hotel Flour" məhdud məsuliyyətli cəmiyyətləri var.

"Tətilə qatılan şirkətlər də Nikol Paşinyanın sosial və iqtisadi siyasəti sayəsində ölkənin iqtisadi çöküş ərəfəsində olduğuna əmindir", - deyə hərəkatın bəyanatında bildirilib.

Qeyd edək ki, bu gün "Vətəni Xilas Hərəkatı" Respublika meydanında Baş nazir Nikol Paşinyanın istefasını tələb edən mitinq keçirəcək. 

Zümrüd Paşkin

Digər xəbərlər