AZPROMO və “Tajİnvest” birgə layihələrin həyata keçirilməsinə dair fikir mübadiləsi aparıb

AZPROMO və “Tajİnvest” birgə layihələrin həyata keçirilməsinə dair fikir mübadiləsi aparıb
  • Clock-gray 12:06
  • calendar-gray 14 Avqust 2020

Azərbaycanda İxracın və İnvestisiyaların Təşviqi Fondu (AZPROMO) və Tacikistanın “Tajİnvest” arasında onlayn işgüzar görüş keçirilib. AZPROMO-dan “APA-Economics”ə verilən məlumata görə, Fondun prezidenti vəzifələrini icra edən Yusif Abdullayev təmsil etdiyi qurumun fəaliyyəti barədə danışıb, ölkədə yaradılan əlverişli biznes və investisiya mühiti, "Made in Azerbaijan" brendinin təşviqi və Azərbaycan məhsullarının xarici bazarlarda tanıdılması və satışının genişləndirilməsi istiqamətində görülən işlər barədə məlumat verib.

“Tajİnvest” şirkətinin baş direktoru Fayzullozoda Xurşed Mirzo iki qurum arasında əlaqələrin qurulmasının əhəmiyyətini qeyd edib, bu sahədə görüləcək işləri diqqətə çatdırıb. 

Görüşdə AZPROMO və “Tajİnvest” arasında İnvestisiya Təşviqi Agentliklərinin Dünya Assosiasiyası (WAIPA) çərçivəsində birgə layihələrin həyata keçirilməsinə dair fikir mübadiləsi aparılıb. Qeyd edək ki, hər iki qurum İnvestisiya Təşviqi Agentliklərinin Dünya Assosiasiyasının (WAIPA) üzvləridir. AZPROMO Mərkəzi Asiya üzrə bölgə direktoru statusuna malikdir.

 

Hüseyn Vəliyev

Digər xəbərlər