Bakı. Yeganə Laçınzadə - APA-Economics. "Unibank"ın səhmdarı olduğu "Unicapital" ASC nizamnamə kapitalını artırılıb.
Bankdan "APA-Economics"ə verilən məlumata görə, "Unicapital"ın nizamnamə kapitalı səhmlərin nominal dəyərinin artırılması yolu ilə baş tutub. Səhmlərin nominalı 2 manatdan 3 manata yüksəlib və "Unibank" "Unicapital"ın 100%-lik səhmdarı olaraq ASC-nin nizamnamə kapitalına 100 min manat vəsait əlavə edib. Bununla da “Unicapital”ın nizamnamə kapitalı 300 min manata çatdırılıb.
Hal-hazırda “Unicapital” ASC-nin investisiya şirkətinə çevrilməsi planlaşdırılır.
“Unicapital” ASC dövlət qiymətli kağızlar bazarında göstərilən xidmətlərin həcminə görə, broker şirkətlərin oktyabr ayı üçün renkinqinə başçılıq edir. Bakı Fond Birjasının Analitik şöbəsinin hesablamalarına əsasən, şirkətin müştərilərə göstərdiyi xidmətinin həcmi 241,3 mln. manat olub.
“Unibank” son 12 il ərzində Azərbaycanın qiymətli kağızlar bazarının liderlərindən və əsas iştirakçılarından biridir. Bank bazarının bir çox sahəsində öz yenilikləri ilə diqqəti çəkən “Unibank”, 2003-cü ildə ölkə korporativ istiqrazların buraxılışını yerləşdirmiş ilk bankı oldu, əcnəbi fondlarını yerli bazarda dövlət və korporativ qiymətli kağızlarına sərmayə qoyuluşu üçün cəlb edən ilk banklar sırasındadır. 2008-ci ildən etibarən bütün broker və diler xidmətləri bankın ixtisaslaşdırılmış törəmə şirkəti olan - “Unicapital” ASC tərəfindən həyata keçirilir. Həmin ildən başlayaraq “Unicapital” Bakı Fond Birjasının təsisçilərindən biri hesab olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
