Bakı. Fərid Mirzəyev – APA. Son günlər Bakı və Abşeron yarımadasında qrunt sularının səviyyəsinin qalxmasının səbəbləri açıqlanıb. Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının baş geoloqu Ələmdar Piriyev APA-ya açıqlamasında deyib ki, dəniz suyunun qalxması və atmosfer çöküntülərinin təsirindən bəzi Bakı kəndlərində qrunt sularının səviyyəsinin qalxması müşahidə olunur.
Baş geoloq bildirib ki, qrunt sularının səviyyəsinin qalxması mövsümi xarakter daşıyır: “Yaz-yaz aylarında qrunt sularının səviyyəsi azalacaq”.
Ə. Piriyev qeyd edib ki, qrunt sularının səviyyəsi daha çox Maştağa və Bilgəhdə qalxıb.
Qeyd edək ki, ötən ay Binəqədi rayonu I mədən yaşayış sahəsində, Qala qəsəbəsində dəmiryol stansiyasının yaxınlığında, Sabunçu rayonunda Maştağa-Zabrat subasma sahəsindəki Savalan massivində, habelə Ramana qəsəbəsinin Şuşa şəhərciyində qrunt sularının səviyyəsinin qalxması ilə əlaqədar olaraq su basma prosesi baş verib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
