Türkiyənin Antalya şəhərində təlim-məşq toplanışında olan 21 yaşadək futbolçulardan ibarət Azərbaycan yığmasının daha bir rəqibi müəyyənləşib. Apasport.az saytının məlumatına görə, hazırlıq prosesində 3 yoldaşlıq oyunu keçirəcək Rəşad Sadıqovun baş məşqçisi olduğu komanda Albaniya ilə də qarşılaşacaq.
Yığmamız bu ölkənin U-21 komandası ilə 2 dəfə üz-üzə gələcək. Bu matçlar yanvarın 21-də və 26-da baş tutacaq.
Yanvarın 23-də Gürcüstanın müvafiq yaş qrupundan ibarət yığma ilə görüşün keçiriləcəyi isə öncədən bəlli idi.
Artıq hər üç oyunun başlama vaxtı da dəqiqləşib. Qarşılaşmaların hamısı Bakı vaxtı ilə saat 19:00-da başlayacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
