Baş nazir keçirdiyi mətbuat konfransında APA-nın Gürcüstan müxbirinin iki ölkə arasında problemli məsələ olan sərhədlərin delimitasiyası və David Qareci məbədi ilə bağlı məsələlərin gələcəkdə necə həll ediləcəyi ilə bağlı sualını da cavablandırıb: “Bu, çox yaxşı sualdır. Amma çətin mövzudur. Azərbaycana səfərim zamanı bu ölkənin prezidenti ilə dostluq şəraitində bu vacib məsələlərə də toxunacaq və həll etməyə çalışacağıq”.
Xatırladaq ki, Azərbaycan-Gürcüstan dövlət sərhədinin kiçik bir hissəsi hələ razılaşdırılmayıb. Gürcüstan tərəfi sərhədin Azərbaycan tərəfində qalan David Qareci monastır kompleksinin ərazisinə iddia edir.