“APA-Economics”in Dövlət Şəhərsalma və Arxitektura Komitəsinə istinadən yaydığı məlumata görə, bu barədə komitə sədri Abbas Ələsgərov məlumat verib. Onun sözlərinə görə, layihəyə əsasən şəhər 20 zonaya bölünüb və hər bir zona üzrə şəhərsalma reqlamenti (qırmızı xətlər, tikinti faizi, tikililərin maksimum hündürlüyü ilə onların sıxlıq göstəricisi) müəyyənləşdirilib.
A. Ələsgər şəhərin bütün baş memarlarına Nazirlər Kabinetinin bu ilin fevralın 21-də təsdiq etdiyi 51 saylı qərarının reqlamentlərinin nəzərə alınması ilə tikilməli olan ərazi zonalarının işlənib hazırlanmasına vaxtında başlamağı təklif edib. Onun sözlərinə görə, bu şəhərsalma sənədi olmadan hər bir ayrıca tikilinin nə ətraflı müfəssəl planını, nə də şəhərsalma əsaslandırılmasını işləyib hazırlamaq və müvafiq olaraq tikilinin aparılması üçün icazəni rəsmiləşdirmək mümkün deyil.
“Bu gün üçün bu, layihələndirmənin layihədən əvvəlki mərhələsinin ən sadələşdirilmiş prosedurudur və rayon (şəhər) baş memarı xidməti tərəfindən yerinə yetirilməsi mümkündür”,-deyə A. Ələsgərov vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
