Bakı. Hafiz Heydərov-APA. Rusiya vətəndaşı Azərbaycanda qarət edilib. APA-nın məlumatına görə, hadisə Novxanı bağlar massivində qeydə alınıb. Sumqayıt sakini Cəmil Məmmədova məxsus bağ evində qalan, Rusiya vətəndaşı Dobrosmolova Marqarita Aleksandrovnanın əl çantası, 11 min rubl pulu və qızıl-zinət əşyaları naməlum şəraitdə oğurlanıb.
Sumqayıt polisinin həyata keçirdiyi əməliyyat tədbirləri nəticəsində hadisəni törədən, Abşeron sakini, əvvəllər məhkum olunmuş, 1987-ci il təvəllüdlü Cəfərov Anar Eldar olduğu müəyyənləşib və o saxlanılıb.
Araşdırmalar zamanı A. Cəfərovun həmin bağlar massivində yaşayan Cavanşir Allahverdizadənin avtomobilindən də oğurluq etdiyi məlum olub.
Faktla bağlı cinayət işi başlanıb, istintaq aparılır.