Bakı – APA. Beynəlxalq ictimaiyyət Suriyadakı münaqişənin siyasi həll yollarının axtarışını davam etdirməlidir.
APA-nın məlumatına görə, bu barədə Böyük Britaniya xarici işlər naziri Uilyam Heyqin “The Independent” qəzetində çap olunmuş məqaləsində deyilir.
“Suriyada sülhə aparan yeganə yol problemin siyasi nizamlanmasıdır. Diplomatik iş aparılsa da, Suriya xalqı gözləyə bilmir. Məhz buna görə BMT başda olmaqla, suriyalıların durumun yüngülləşdirilməsinə yönəlmiş səyləri davam etdirmək lazımdır”, - deyə o vurğulayıb.