Bakı. Etibar Məmmədov – APA. “Müsavat Partiyasının Milli Şuradan getmək niyyətinin mənim istefa barədə qərarıma təsiri olub”. Bunu APA-ya açıqlamasında Müsavat Partiyası başqanının keçmiş müşaviri Yeganə Hacıyeva deyib. O bildirib ki, partiyadan istefasının digər səbəbləri olsa da, bu barədə geniş danışmaq istəmir.
Y. Hacıyeva qeyd edib ki, Müsavat Partiyasından istefa versə də, Milli Şuranın Sədr Aparatındakı fəaliyyətini davam etdirəcək: “İstefamın müəyyən səbəbləri var. Lakin mən bu barədə danışmaq istəmirəm. Çünki bu, sonradan xoşagəlməz məqamlar alır. Mən bildirmişəm ki, mühüm olan partiyalar, siyasi qurumlar deyil, mühüm olan Azərbaycandır və cəmiyyətin maraqlarıdır. Təbii ki, narazı olduğumuz məqamlar var idi. Açıq olan suallar çox idi. Lakin bu partiya mənim uzun illər təmsil olunduğum və dostlarımın olduğu partiyadır. Müsavat həm də mənim keçmişimdir və mən o keçmişimlə fəxr edirəm”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
