Bakı. Türbət Bağırova - APA. Azərbaycan “İşgəncə, qeyri-insani və insan ləyaqətini alçaldan rəftar və cəza növləri əleyhinə Konvensiya”nın həyata keçirilməsi ilə bağlı BMT-də hesabat təqdim edəcək.
APA-nın BMT-nin saytına istinadən verdiyi xəbərə görə, Azərbaycanın təqdim edəcəyi hesabata noyabrın 11-12-də baxılması planlaşdırılır.
Qeyd edək ki, noyabrın 9-da BMT-nin İşgəncələr əleyhinə komitəsinin sessiyası başlayacaq və dekabrın 9-dək davam edəcək. Bu müddət ərzində Avstriya, Danimarka, İordaniya, Çin və Lixtenşteynin təqdim etdiyi hesabatların da nəzərdən keçirilməsi planlaşdırılır.
“İşgəncə, qeyri-insani və insan ləyaqətini alçaldan rəftar və cəza növləri əleyhinə Konvensiya” BMT Baş Assambleyası tərəfindən 1984-cü ildə qəbul olunub və indiyədək 156 dövlət tərəfindən ratifikasiya edilib. İştirakçı dövlətlər hər 4 ildən Konvensiyanın həyata keçirilməsi istiqamətində atılan inzibati və qanunvericilik tədbirləri ilə bağlı hesabatlar təqdim olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
