Bakı. Məlahət Nəcəfova - APA. Türkiyənin Ali Seçki Şurası 1 noyabrda keçiriləcək parlament seçkiləri ilə bağlı xarici ölkələrdə keçiriləcək səsvermənin tarixlərini açıqlayıb.
APA-nın “Sabah” qəzetinə istinadən verdiyi məlumata görə, Azərbaycanda səsvermə oktyabrın 25-də keçiriləcək. Səsvermə ilə bağlı dünyanın 54 ölkəsində yerləşən 112 nümayəndəlikdə səsvermə məntəqəsi yaradılacaq. Azərbaycanda səsvermə 3 yerdə - Bakıdakı səfirlikdə, Gəncə və Naxçıvan şəhərlərindəki baş konsulluqlarda keçiriləcək.
Ümumilikdə xarici ölkə vətəndaşları üçün səsvermə 8-25 oktyabr tarixlərində baş tutacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
