Bakı. Musa Əhmədov - APA-Economics. “Azərbaycan Hava Yolları” QSC-də (AZAL) məvaciblərin iki aya yaxın gecikdirilməsi ilə bağlı mətbuatda yayılan məlumatlar həqiqəti əks etdirmir.
Bunu “APA-Economics”ə AZAL-ın Xidmət rəisi Məhərrəm Səfərli deyib.
“AZAL çoxminli kollektivdir və işçilər maaşları hissə-hissə alır. Düzdür, iki, üç və beş gün gecikmələr ola bilər. Lakin, bundan çox çəkmir. Məsələn, hal-hazırda uçuş heyətinin maaşı verilib, Milli Aviasiya Akademiyası əməkdaşlarının maaşı verilib. İndi hissə-hissə bu gün-sabah da biz alacağıq”, - deyə M. Səfərli bildirib.
Qeyd edək ki, bəzi KİV-lər sosial şəbəkələrə istinadən AZAL-ın Aeronaviqasiya və Təhlükəsizlik Xidmətinin əməkdaşlarının məvaciblərinin iki aya yaxın gecikdirilməsi ilə bağlı məlumat yayıb. Məlumatda işçilərin sentyabr ayının məvacibini oktyabr ayının ortalarında alması iddia edilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
