Bakı. Ramiz Mikayıloğlu - APA. Narkotik vasitələrin qanunsuz dövriyyəsi ilə əlaqədar 2013-cü ildə 2 min 197 nəfər cinayət məsuliyyətinə cəlb olunub.
APA-nın məlumatına görə, məsuliyyətə cəlb ediləndən 8 nəfəri 18 yaşınadək, 2 nəfəri orta məktəb şagirdi, 516 nəfəri 30 yaşadək, 1607 nəfəri 30 yaşdan yuxarı, 38 nəfəri fəhlə, 11 nəfəri qulluqçu, 1 nəfəri vəzifəli şəxs, 1 nəfəri kənd təsərrüfatı işçisi, 51 nəfəri qadındır.
Keçən il məsuliyyətə cəlb olunan 56 nəfər xarici ölkə vətəndaşından 40 kq-dan artıq müxtəlif növ narkotik vasitələr götürülüb. Əcnəbilərdən 25 nəfəri İran, 19 nəfəri Rusiya, 5 nəfəri Gürcüstan, 4 nəfəri Türkiyə, 1 nəfəri Ukrayna, 1 nəfəri Hindistan, 1 nəfəri isə Slovakiya vətəndaşıdır. Götürülmüş narkotik vasitələrin 26 kq-dan çoxu Türkiyə vətəndaşlarının payına düşür.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
