Daxili siyasət

Ana səhifə

Daxili siyasət

Azərbaycan prezidenti İlham Əliyev Salyan və Cəlilabad rayonlarına səfər edib

07 sentyabr 2008 20:09 (UTC +04:00)

Daha sonra prezident Salyan Olimpiya İdman Kompleksinin açılışında olub. Burda çıxış edən ölkə başçısı bildirib ki, Azərbaycanda olimpiya idman komplekslərinin tikintisi çox geniş vüsət alıb. Ölkənin müxtəlif bölgələrində indiyə qədər 14 idman kompleksinin istismara verildiyini xatırladan prezident bu olimpiya idman mərkəzlərində istənilən beynəlxalq yarışı keçirməyin mümkün olduğunu vurğulayıb.

Rayonun sosial, səhiyyə, təhsil sahələrinin inkişafından razı qalan prezident Salyanda son illər ərzində 12 yeni məktəb tikildiyini söyləyib.
Bakını Salyanla birləşdirən yolun tikintisindən də razı qalan prezident
“Azərbaycanın uğurlu inkişafı uzunmüddətli, dayanıqlı olacaq və Azərbaycan xalqına böyük uğurlar gətirəcək” söyləyib.

Azərbaycanın yerli kənd təsərrüfatı məhsulları ilə 90-95 faiz səviyyəsində təmin edildiyini söyləyən dövlət başçısı bütün bunlara məqsədyönlü iqtisadi islahatlar, sahibkarlığın dəstəklənməsi, fermerlərə güzəştli kreditlərin verilməsi, liberallaşma siyasətinin aparılması, sahibkarlara dövlət tərəfindən həm maddi, həm də mənəvi siyasi dəstəyin verilməsi, “Aqrolizinq” şirkətinin yaradılması, gübrənin, yanacağın fermerlərə güzəştli şərtlərlə verilməsi nəticəsində nail olunduğunu vurğulayıb. Azərbaycanda fermerlərə hər il 100 milyon dollar həcmində güzəştli kreditlərin verildiyini xatırladan ölkə başçısı bunun ölkənin qeyri-neft sektorunun inkişafına böyük təkan verdiyini söyləyib: “Əgər Azərbaycan uzun illər, əsrlər boyu neft ölkəsi kimi tanınırdısa, XXI əsrdə özünü müasir, inkişaf etmiş ölkə kimi tanıtdıracaq. Son illər ərzində aparılan çox ciddi iqtisadi islahatlar öz bəhrəsini verməkdədir”.

Daha sonra prezident Salyan Mərkəzi Xəstəxanasının əsaslı təmirdən sonra açılışında iştirak edib.

Bundan sonra Cəlilabad rayonuna səfər edən prezident burada Heydər Əliyevin abidəsini ziyarət edib. Səfərinə Heydər Əliyev muzeyinə ziyarətlə davam edən dövlət başçısı Cəlilabadın mərkəzindəki Heydər Əliyev seyrangahı ilə də tanış olub. Akademik Zərifə Əliyeva adına orta məktəblə tanış olan ölkə başçısı rayonun mərkəzi Heydər Əliyev prospektindəki yeraltı keçidin açılışında iştirak edib.

Prezident Cəlilabadda müalicə-diaqnostika mərkəzinin və olimpiya-idman kompleksinin də tikinti işlərinin gedişi ilə tanış olub.