Daxili siyasət

Ana səhifə

Daxili siyasət

Valeri Çeçelaşvili: “Dondurulmuş münaqişələr”lə bağlı qətnamə layihəsinin BMT Baş Assambleyasında dəstəklənməsi üçün fəal iş aparırıq”

15 yanvar 2008 12:26 (UTC +04:00)

APA-nın xəbərinə görə, V. Çeçelaşvili görüşdən sonra bildirib ki, Bakıya səfərində məqsəd Azərbaycanın GUAM-da sədrliyinin ilk yarımilinə yekun vurmaq və ikinci yarımilin planlarını hazırlamaqdır: “Bakı sammitində müəyyənləşdirilmiş prioritetlər olduğu kimi qalır təşkilatın beynəlxalq nüfuzunun artırılması, beynəlxalq ictimaiyyətin diqqətinin “dondurulmuş münaqişələr”ə cəlb olunmasına davam edilməsi və birgə iqtisadi layihələrin həyata keçirilməsi”. V. Çeçelaşvili digər dövlətlərlə əməkdaşlığın da GUAM-ın prioritetlərindən biri olduğunu söyləyib. Onun sözlərinə görə, ABŞ və Yaponiyadan sonra Polşa da GUAM-la əməkdaşlığa qoşulacaq və tezliklə Varşavada GUAM-Polşa formatında görüş keçiriləcək. Görüşdə iqtisadi və siyasi əməkdaşlıq məsələləri müzakirə olunacaq. Bundan başqa, V. Çeçelaşvili münaqişələrin sülh yolu ilə həllinə dair təşəbbüslərinə Polşadan dəstək almaq istədiklərinin açıqlayıb: “Hazırda biz təqdim etdiyimiz qətnamə layihəsinin BMT Baş Assambleyasında dəstəklənməsi üçün fəal iş aparırıq”. Sənədin beynəlxalq normalar əsasında hazırlandığını vurğulayan GUAM baş katibinin fikrincə, bəzi ölkələr layihəni müdafiə etməyə bilər: “Amma çoxluğun bizi müdafiə edəcəyinə inanıram”. V. Çeçelaşvili GUAM-ın növbəti sammitinin bu ilin iyun və ya iyul ayında Gürcüstanda keçiriləcəyini bildirib. /APA/