Bakı. Ramiz Mikayıloğlu - APA. Bu gün Dairə Seçki komissiyaları tərəfindən bələdiyyə seçkilərində imza vərəqələrində və təqdim edilən digər sənədlərdə olan məlumatların düzgünlüyünün yoxlanılması və namizədin qeydə alınıb-alınmaması haqqında qərarın qəbul edilməsi üçün ayrılan müddət başa çatır.
APA-nın məlumatına görə, Mərkəzi Seçki Komissiyası oktyabrın 21-də bələdiyyə seçkilərinin 2014-cü il dekabrın 23-də keçirilməsi barədə qərar qəbul edib.
Qərara əsasən, 1607 bələdiyyəyə 15035 nəfər bələdiyyə üzvü seçilməlidir. Seçki qanunvericiliyinə əsasən, namizədin qeydə alınması üçün imza vərəqələri və digər lazımi sənədlər DSK-lara təqdim edildikdən sonra sənədlərdə olan məlumatların düzgünlüyünün yoxlanılması və namizədin qeydə alınıb-alınmaması haqqında qərarın qəbul edilməsi üçün 7 gün ayrılır.
Noyabrın 22-də 2014-cü il 23 dekabra təyin edilmiş bələdiyyə seçkiləri ilə əlaqədar bələdiyyə üzvlüyünə namizədlərin qeydə alınması üçün imza vərəqələri və digər seçki sənədlərinin dairə seçki komissiyalarına təqdim olunması müddəti başa çatıb.
Bu gün - noyabrın 29-da isə dairə seçki komissiyaları tərəfindən bələdiyyə seçkilərində imza vərəqələrində və təqdim edilən digər sənədlərdə olan məlumatların düzgünlüyünün yoxlanılması və namizədin qeydə alınıb-alınmaması haqqında qərarın qəbul edilməsi üçün ayrılan müddət başa çatır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
