Diaspor

Ana səhifə

Diaspor

Sverdlovsk vilayət kitabxanasına Azərbaycanla bağlı 60-dan çox kitab hədiyyə edilib

11 dekabr 2008 14:29 (UTC +04:00)

Bakı. Laçın Sultanova - APA. Heydər Əliyev Fondunun Rusiya nümayəndəliyinin dəstəyi ilə Sverdlovsk vilayət kitabxanasında “Azərbaycan və Rusiya əməkdaşlıq dialoqunda” adlı kitab sərgisi keçirilib. Azərbaycanın Sankt-Peterburqdakı Baş Konsulluğundan APA-ya verilən məlumata görə, fondun adından kitabxanaya Azərbaycan və Rusiyada nəşr olunmuş 60-dan çox kitab hədiyyə edilib. Tədbirdə həmçinin “Görkəmli şəxsiyyətlərin həyatı” seriyasından nəşr olunmuş “Heydər Əliyev” kitabının və Elmira Axundovanın “Heydər Əliyev. Şəxsiyyət və zaman” adlı kitablarının təqdimatı da keçirilib. Kitabxananın direktoru Tatyana Xristovorovna bildirib ki, bu kitablar vasitəsilə oxucular Azərbaycan tarixi və ədəbiyyatı barədə məlumat ala biləcəklər.