Diaspor

Ana səhifə

Diaspor

Nazim İbrahimov: “Artıq Azərbaycanda diasporu müdafiədən hücuma keçib”

18 dekabr 2008 12:07 (UTC +04:00)

Bakı. Rəşad Süleymanov-APA. “Azərbaycan diasporu son illər fəaliyyətini gücləndirib və bu proses davam edir”. APA-nın məlumatına görə, bu fikirləri Diasporla İş üzrə Dövlət Komitəsinin sədri Nazim İbrahimov bildirib. Onun sözlərinə görə, artıq müxtəlif xarici ölkələrdəki Azərbaycan diasporları öz fəaliyyətlərini türk diasporu ilə əlaqəli şəkildə qurur, birgə tədbirlər planları hazırlayır və əməkdaşlıq edirlər: «Bu gün Azərbaycan diasporu xaricdə türk, yəhudi və s. diasporlarla sıx əlaqədə işləyir. Hesab edirəm ki, növbəti illərdə fəaliyyətimiz daha da genişlənəcək və öz nəticələrini göstərəcək. Artıq Azərbaycan diasporu müdafiədən hücuma keçib”.

Komitə sədri onu da vurğulayıb ki, Dünya Azərbaycanlıları Əlaqələndirmə Şurasının bu gün Bakıda keçirilən toplantısında müzakirəyə çıxarılan Dünya Azərbaycanlılarının Həmrəylik Xartiyası diasporun fəaliyyətinin daha da gücləndirilməsinə, qüvvələri birləşdirməyə təkan verəcək.