Diaspor

Ana səhifə

Diaspor

Gürcüstanın azərbaycanlılar yaşayan kəndlərindən xristian xaçları yığışdırılacaq

05 mart 2009 09:36 (UTC +04:00)

Onun sözlərinə görə, bu barədə Kvemo-Kartli bölgəsinin qubernatoru David Kirkitadze ilə görüşdə razılığa gəlinib. Q. Paşayeva deyib ki, Aşıq Əmrahın büstünün hazırlanmasına Azərbaycan-Gürcüstan Parlamentlərarası Dostluq Qrupu dəstək verəcək. Tədbirdə Azərbaycan Aşıqlar Birliyinin sədri Zəlimxan Yaqub və Kvemo-Kartli bölgəsinin qubernatoru David Kirkitadze də iştirak edəcək. Q. Paşayevanın bildirdiyinə görə, D. Kirkitadze ilə görüşdə Gürcüstan azərbaycanlılarının bir sıra problemlərinin həlli ilə bağlı da müzakirələr aparılıb: “Marneulidən Azərbaycan sərhədinə gələn yol həddən artıq pis vəziyyətdədir. Soydaşlarımız Qırmızı Körpüyə gəlmək üçün əvvəlcə Tiflisə, oradan da Qırmızı Körpüyə gəlirdilər. Bu da onların yolunu ikiqat uzadırdı. Qubernator söz verdi ki, martın sonunda Marneulidən Qırmızı Körpüyə gedən yolun bərpasına başlanacaq. İlin sonuna qədər isə bu yol istifadəyə veriləcək”.

Gürcüstanda yaşayan azərbaycanlı gənclərin bu ölkənin ali məktəblərinə daha rahat qəbul olunması istiqamətində də danışıqlar aparılıb. Q. Paşayevanın sözlərinə görə, bu il 120 azərbaycanlı gənc xüsusi imtiyazlarla Gürcüstanın ali məktəblərinə qəbul ediləcək: “Gürcüstanda da ali məktəblərə qəbul test üsulu ilə keçirilir. Artıq 120 azərbaycanlı ümumi imtahanlarda iştirak etmədən xüsusi imtahanlar vasitəsilə dövlət ali məktəblərinə daxil olacaq və pulsuz oxuyacaqlar. Gələn il isə Bolnisi rayonunda xüsusi təhsil mərkəzi istifadəyə veriləcək. Bu mərkəzdə azərbaycanlılar yaşayan kəndlərdən olan 120 azərbaycanlı şagird dövlət hesabına qəbul imtahanlarına hazırlaşdırılacaq”. Q. Paşayeva deyib ki, martın sonundan Gürcüstanın azərbaycanlılar yaşayan 15 kəndində mədəniyyət evinin təmirinə başlanacaq.

Azərbaycanlılar yaşayan kəndlərdə xristian xaçlarının qoyulmasının da D. Kirkitadze ilə görüşdə müzakirə olunduğunu deyən Q. Paşazadə qeyd edib ki, müsəlmanlar yaşayan kəndlərə xaçların qoyulması əhali arasında narahatlıq yaradır: “David Kirkitadze bildirdi ki, o, bu məsələ ilə əlaqədar lazımi instansiyalarla müzakirələr aparacaq. Bundan sonra azərbaycanlılar yaşayan kəndlərə xaçlar qoyulmayacaq. Artıq iki kənddə bu xaçlar götürülüb, digər kəndlərdə də xaçların götürülməsi prosesinə başlanacaq. Qubernator söz verib ki, dəyişdirilən azərbaycanlı kənd adları ilə bağlı da komissiya yaradılacaq”.

Q. Paşayeva deyib ki, bu il Marneuli rayonun mərkəzi içməli su ilə təmin olunacaq: “Gürcüstanda yaşayan azərbaycanlıların içməli su ilə bağlı problemləri var. Marneulinin kəndlərində də bu problemin aradan qaldırılması üçün işlər davam etdiriləcək. Qubernator söz verdi ki, yaxın aylarda Bolnisi rayonunun da içməli su ilə təminatına başlanacaq”.