Diaspor

Diaspor

Beynəlxalq Diaspor Mərkəzinin rəhbəri İsmayıl Ağayev: “Kimin soyqırımı törətdiyini bilmək üçün İqdırdakı kütləvi məzarlıqlara baş çəkmək kifayətdir”

24 aprel 2009 13:43 (UTC +04:00)

Bakı. Elnur Məmmədli – APA. Azərbaycan Beynəlxalq Diaspora Mərkəzinin (BDM) rəhbərliyi Türkiyənin İqdır şəhərinə səfərin yekunlarına həsr olunmuş mətbuat konfransı keçirib. APA-nın məlumatına görə, mərkəzin rəhbəri İsmayıl Ağayev ermənilərin hər ilin aprelində qondarma “erməni soyqrımı”nının ildönümünü qeyd etdiklərini deyib. Bu yalanların qarşısının alınması üçün BDM-in müxtəlif tədbirlər həyata keçirdiyini bildirən İ. Ağayev bu tədbirlərin davamı olaraq aprelin 21-dən 23-dək İqdırda olduqlarını vurğulayıb. O, Azərbaycanlıların Dayanışma Dərnəyi, Əsilsiz Erməni İddalarına Qa Qarşı Mücadilə Dərnəyi, İrəvan Türkiləri Dayanışma Dərnəyi ilə birgə İqdırın Əlican kəndində mitinqin keçirildiyini qeyd edib: “Bu aksiyada minlərlə sadə insanlar, vaxtilə ermənilər tərəfindən soyqırımı məruz qalmış insanların övladları iştirak edirdi. İqdırda yaşayan hər bir insan erməni terroru nəticəsində ən azı bir nəfər yaxınını itirib. Bu bölgədə çoxlu sayda kütləvi məzarlıqlar var. Kimin soyqırımına məruz qaldığını bilmək üçün həmin əraziyə səfər etmək kifayətdir”.

İ. Ağayev Türkiyə – Ermənistan arasındakı yolların təmir olunması ilə bağlı xəbərlərin doğru olmadığını da qeyd edib. O, bəzi qüvvələrin Ermənistan - Türkiyə sərhədlərinin açılacağı ilə bağlı məsələni məqsədli şəkildə gündəmdə saxladıqlarını bildirib: “Amma biz bütün prosesləri gözlərimizlə gördük və İqdır əhalisi də sərhədlərin açılmasının mümkün olmadığını bildirdilər. Türkiyə hakimiyyəti də Ermənistanla sərhədlərin açılmayacağını bəyan edib. Ona görə də biz düşünürük ki, bu məsələni gündəmdə saxlamağa ehtiyac yoxdur”.

Səfərdə iştirak edən Azərbaycan Milli Elmlər Akademiyasının Ədəbiyyat İnstitutunun şöbə müdiri Vaqif Arzumanlı bildirib ki, ermənilər soyqırımı yalanına bütün dünyanın diqqətini cəlb etmək istəyir. Bu məqsədlə 1960-cı ildən ermənilərin təşkilatlanmış şəkildə fəaliyyət göstərdiyini bildirən V. Arzumanlının sözlərinə görə, əgər Türkiyə tərəfi bu iddianı qəbul edərsə, o zaman ermənilər bunun ardınca təzminat tələb edəcək və Türkiyəyə qarşı ərazi iddialarını daha da kəskinləşdirəcək.

Səfərdə iştirak edən digər şəxslər də şahid olduqları hadisələr, İqdırdakı vəziyyətlə bağlı fikirlərini media nümayəndələrinin diqqətinə çatdırıblar.