Diaspor

Diaspor

Heydər Əliyev haqqında tacik dilində kitab nəşr edilib

13 may 2009 10:02 (UTC +04:00)

Düşənbə. Ləman Ağayeva - APA. Tacikistanın paytaxtı Düşənbə şəhərində Azərbaycan Prezident Administrasiyasının ictimai-siyasi şöbəsinin xaricdə yaşayan azərbaycanlılarla iş sektorunun müdiri Qafar Əliyevin tacik dilində nəşr olunmuş “Müasir Azərbaycanın qurucusu, yaradıcısı və xilaskarı” adlı kitabının təqdimat mərasimi keçirilib. APA-nın Qazaxıstan və Mərkəzi Asiyadakı müxbirinin xəbərinə görə, təqdimat mərasimində Milli Məclisin deputatı Vasif Əliyev, tarix elmləri doktoru, akademik Vəli Əliyev, “Yeni Azərbaycan” qəzetinin baş redaktoru Hikmət Babaoğlu, Azərbaycanın Tacikistandakı səfiri Məhərrəm Əliyev, Tacikistan ziyalıları və dövlət rəsmiləri iştirak ediblər. Heydər Əliyevin anadan olmasının 86-cı ildönümü münasibətilə elmi-praktik konfrans da keçirilib.