Diaspor

Diaspor

Berlində “Ailə, qadın və uşaq” mövzusunda Azərbaycan diaspor nümayəndələri ilə görüş keçirilib

13 may 2009 11:25 (UTC +04:00)

Bakı-APA. Berlində Almaniyadakı Azərbaycanlıların Koordinasiya Mərkəzinin (AAKM) qərargahında “Ailə, qadın və uşaq” mövzusunda Azərbaycan diaspor nümayəndələri ilə görüş keçirilib. Bu barədə APA-ya Diasporla Iş üzrə Dövlət Komitəsi
mətbuat xidmətindən bildirilib. Görüşdə Azərbaycan qadınının Almaniyada sosial həyata qatılması, Berlində yaşayan qadınların AAKM–da bir araya gələrək sosial qrup çalışmalarında iştirak etməsi, Azərbaycan qadınları arasında birliyin möhkəmləndirilməsi, onların sosial cəhətdən qüvvətlənməsi üçün müntəzəm tədbir və görüşlərin keçirilməsi, azərbaycanlı ailələrinin həyatı, vəziyyəti, problemləri ilə əlaqədar proqramların tərtibi, ailədə sağlam və vətənpərvər nəslin yetişdirilməsi və digər məsələlərdən danışılıb.
BMT-nin elan etdiyi 15 may- “Beynəlxalq ailə günü” ərəfəsində keçirilən bu tədbirdə türk-azərbaycanlı uşaqlarının ortaq mədəniyyət və dil daşıyıcısı olan Dədə Qorqud dastanının balacalar üçün açıqlanması, Azərbaycan dilinin inkişafı üçün şeir müsabiqəsinin keçirilməsi, alman, azərbaycanlı və türk uşaqların iştirakı ilə mədəniyyətlərarası rəsm yarışmasının təşkili, AAKM-da uşaqlara cizgi filmlərinin göstərilməsi, bazar günü məktəblərinin təşkili kimi tədbirlərin vacibliyi qeyd olunub.
Görüşdə qərara alınıb ki, qadinların ilk toplantısı iyunun 20-də AAKM-da keçirilsin.

.