Diaspor

Diaspor

Moskvada etnomədəni Azərbaycan komponenti ilə ümumtəhsil linqvistik məktəb açılacaq

23 may 2009 08:10 (UTC +04:00)

Bakı. Laçın Sultanova - APA. Moskvada etnomədəni Azərbaycan komponenti ilə ümumtəhsil linqvistik məktəb açılacaq. Ümumrusiya Azərbaycan Konqresindən (ÜAK) APA-ya verilən məlumata görə, bu il sentyabrın 1-də ÜAK və Heydər Əliyev Fondu tərəfindən açılacaq məktəb Moskvanın Cənub administrativ dairəsində, “Kolomenskoe” və “Kaşirskaya” metro stansiyalarının yaxınlığında yerləşəcək.

Məktəbdə təhsil 1-ci sinifdən 11-ci sinfə gədər aparılacaq. Məktəbin nəzdində Azərbaycan dili, tarixi, ədəbiyyatı, coğrafiyası, xarici dillərin (ingilis, ərəb, çin və türk) öyrənilməsi və günüuzadılmış qrupun fəaliyyət göstərməsi nəzərdə tutulur.