Diaspor

Ana səhifə

Diaspor

Azərbaycanlılar Yeni Zelandiyada erməniləri ifşa ediblər

24 iyul 2009 13:11 (UTC +04:00)

"Azeri" Azərbaycan-Yeni Zelandiya Dostluq Cəmiyyətinin sədri Qalib Mahmudov APA-ya bildirib ki, ermənilərin Yeni Zelandiyada satışa çıxardıqları “Yan” nar şirəsinin etiketində şirənin 100%-li, əlavə qatqılarsız, pasterizə edilmiş olduğu yazılıb. Lakin onların bu yalanının ömrü uzun sürməyib: “100 ml məhsulda C vitaminin miqdarı 15 mq göstərilib. Halbuki 100 ml nar şirəsində 15 mq C vitamini bilməz. Bundan başqa, pasterizə prosesi zamani C vitamininin böyük hissəsi itir. Mən Göyçay rayonunda anadan olmuşam. Ermənilərin Yeni Zelandiyada nar şirəsinin vətəni Ermənistan olduğunu göstərmələri isə məni hədsiz qəzəbləndirmişdi. Ermənilərin bu əməllərinin üstünü açmaq üçün Göyçayın ən keyfiyyətli “SHIRVAN’S” markalı nar şirəsini Yeni Zelandiyaya gətirib ermənilərin özləri barədə yaratdıqları mifə son qoyduq. Yeni Zelandiya vətəndaşları Azərbaycanın keyfiyyətli məhsulunun həqiqətən də 100% nar şirəsi olduğunu gördülər. Beləliklə, ermənilərin yalanı çox çəkmədi. Yerli televiziya kanallarında da ermənilərin keyfiyyətsiz məhsulları nümayiş etdirildi. Saxta erməni şirələrinin ölkə üzrə bütün satış nöqtələrindən geri qaytarıldığı, işin isə məhkəmə orqanlarına göndəriləcəyi bildirilir. Bundan başqa, ölkənin nüfuzlu “NZ Herald” qəzetində də ermənilərin fırıldaqlarını ifşa edən yazı dərc olunub (http://www.nzherald.co.nz/nz/news/article.cfm?c_id=1&objectid=10585594).

Q. Mahmudovun sözlərinə görə, ermənilər bununla kifayətlənməyərək, Azərbaycan əleyhinə təxribata da əl atıblar: “Ermənilər Yeni Zelandiyaya ixrac etdikləri konyak şüşələrinin üstünə əlavə etiket yapışdırırlar. Bu etiketin üstündə isə Azərbaycanın Dağlıq Qarabağ ərazisi “ARCHSAX” kimi göstərilib. Buna görə də Yeni Zelandiyaya gətirdiyimiz nar şirəsinin etiketində Azərbaycanın xəritəsini göstərmişik. Təkcə bu il burada iyirmi 20 mindən çox ailəyə 200 ml nar şirəsi hədiyyə etmişik. Hər paketdə nar şirəsi ilə birlikdə Azərbaycan haqqında məlumat da çatdırmışıq”.