Diaspor

Ana səhifə

Diaspor

Berlində İnsan hüquqları və Xocalı qətliamı mövzusunda keçirilən konfrans başa çatıb - FOTO

Berlində İnsan hüquqları və Xocalı qətliamı mövzusunda keçirilən konfrans başa çatıb - <font color=red>FOTO</font>

14 dekabr 2009 11:43 (UTC +04:00)

Bakı-APA. Berlində Beynəlxalq İnsan Hüquqları gününə həsr olunmuş “Həqiqət barışığa aparan yoldur” adlı - Unudulmuş qurqbanlar - Qafqazda yəhudilər və azərbaycanlılar” mövzusunda keçirilən 3 günlük konfrans başa çatıb. Bu barədə APA-ya Dialoq və Əməkdaşlıq uğrunda İslam Konfransı Gənclər Forumunun (DƏ-İKGF) Media Departamentindən bildirilib. Tədbirin əsas təşkilatçısı, “Xocalıya Ədalət” beynəlxalq kampaniyasının Almaniya üzrə Koordinatoru, Almaniya Azərbaycanlıları Koordinasiya Mərkəzinin (AAKM) icraçı direktoru Samira Patzer-İsmayılova verdiyi məlumata əsasən konfrans Xocalı Qətliamına və Azərbaycanlılara qarşı 1918-ci ildə Qubada erməni daşnakları tərəfindən törədilmiş soyqırıma həsr edilib 100-dən artıq qonağın iştirakı ilə Alman-Azərbaycan Münasibətlərinin İnkişafı mərkəzində (GeFDAB) keçirilib.

Tədbir zamanı Avropa Parlamentinin üzvü Eduard Lintner Azərbaycana qarşı yeridilən işğalçı siyasəti tənqid etmiş, Avropanın Dağlıq Qarabağ məsələsinin həllində daha fəal iştirakının labüd olduğunu bildirib.
Azərbaycanın Almaniyadakı səfiri cənab Pərviz Şahbazov Beynəlxalq insan hüquqları gününün yaranma tarixindən, Azərbaycanda ermənilər tərəfindən tarixən (Quba, Şamaxı və s.) və yaxın keçmişdə (Xocalı və s.) törədilən cinayətlər haqqında məlumat verib.
Bundan başqa Potsdam Universitetinin professoru cənab Dr. Vilfrid Furman, Avropa Azərbaycan cəmiyyətinin (TEAS) direktoru cənab Şahin Namati-Nasab çıxışlar etmişlər. Avroqafqaz (EuroKaukAsia ) cəmiyyətinin Sədri, Bonn və Berlin Universitetlərinin professoru xanım Dr. Eva Maria Aux “Azərbaycan yəhudiləri-unudulmuş icma” mövzusunda məruzə edərək yəhudilərin Azərbaycanda tarixən məskunlaşması və indiyə qədər milli azlıq kimi tam əminamanlıqda yaşamaqlarını tarixi faktlarla əsaslandırıb.

Tədbirin bədii hissəsi zamanı mərhum professor Rövşən Mustafayevin sonuncu - “Ölüm marşları” kitabının təqdimatı keçirilib. Azərbaycan Milli Elmlər Akademiyasının İnsan Hüquqları İnstitutunun direktoru Aytən Mustafayeva həmin kitabın yeni - alman dilində olan nüsxəsini təqdim edib.

AAKM-nin (KAD ) icraçı direktoru Samira Patzer- İsmailova Xocalı qətlimamının dünya ictimaiyyəti tərəfindən hüquqi-siyasi cəhətdən tanınmasına çağıraraq, Xocalı həqiqətlərinin dünya ictimaiyyətinə catdırılmasının labüd olduğunu qeyd edib.

Tədbirdə İslam Konfransı Gənclər Forumunun Baş Koordinatoru Leyla Əliyevanın təşəbbüsü ilə həyata keçirilən “Xocalıya ədalət” (JFK) beynəlxalq məlumat kampaniyasının alman dilində təqdimatı Fariz Qasımlı tərəfindən təqdim edilib.

Qeyd edək ki, “Xocalıya Ədalət” (Justice for Khojaly) beynəlxalq məlumat və təşviqat kampaniyası İslam Konfransı Təşkilatına (İKT) üzv qurum olan Dialoq və Əməkdaşlıq uğrunda İslam Konfransı Gənclər Forumunun (DƏ-İKGF) Mədəniyyətlərarası Dialoq üzrə Baş Koordinatoru Leyla Əliyevanın təşəbbüsü ilə 8 may 2008-ci ildə elan edilib.