Diaspor

Ana səhifə

Diaspor

Gələn il ABŞ-da yaşayan azərbaycanlılar siyahıya alınacaq

29 dekabr 2009 09:41 (UTC +04:00)

Vaşinqton. İzabel Levin-APA. ABŞ Əhalinin Siyahıyaalınması Bürosu gələn il əhalinin, o cümlədən ölkədə yaşayan azərbaycanlı və türkləri siyahıya almağa başlayacaq.

APA-nın Vaşinqton müxbirirnin verdiyi məlumata görə, Türk və Azərbaycan diaspora təşkilatları diaspora üzvlərinin bu prosesdə fəal iştirakını təmin etmək üçün geniş təbliğata başlayıblar.

Diaspora nümayəndələri milliyyət sütununda “başqa” sözünü seçərək, orada öz milliyyətlərinin göstərəcəklər.

“Əhalinin siyahıya alınması əvvəllər də olub, amma azərbaycanlıların heç vaxt özünü təqdim etmək imkanı olmayıb”. Bu açıqlamanı APA-nın Vaşinqton müxbirinə Azərbaycan diasporunun nümayəndəsi Eldar Cabbarov verib.

Onun sözlərinə görə, bu tədbirin lobbiçilik üçün böyük əhəmiyyəti var. “İlk dəfə Azərbaycan və Türk diasporası diaspora üzvlərinin rəsmi sayını öyrənmək imkanı əldə edəcəklər”.

Təxmini hesablamalara görə, ABŞ-da 500 minə yaxın Türk və 100 minə yaxın azərbaycanlı yaşayır. 2010-cu ilin martında hər bir ailəyə əhalini siyahıya alma forması göndəriləcək. ABŞ Əhalinin Siyahıyaalması Bürosundan APA-ya bildiriblər ki, formalar türk dilində də çap olunacaq.