Diaspor

Ana səhifə

Diaspor

DAK-lara birləşmə təklif olunur

07 yanvar 2010 01:08 (UTC +04:00)

Bakı. Sədrəddin Soltan-APA. İzmirdəki Azərbaycan Kültür Mərkəzinin başqanı Camal Mehmetxanoğlu ve Azərbaycan-Belçika Dostluq Cəmiyyəti başqanı Ayxan Dəmirçi Dünya Azərbaycanlıları Konqresi adı altında fəaliyyət göstərən təşkilatları birləşməyə dəvət edib.

Bu haqda APA-ya daxil olan müraciətdə deyilir: “Dəyərli dostlar, diaspora, ikiyə bölünmüş DAK-ın rəhbərləri və üzvləri, Azəərbaycanın xaricdəki təşkilatlarının sədrləri, qısası dünyanın harasasında olmasından asılı olmayaraq, güneyli – quzeyli azərbaycanlı, türkiyəli – türk qardaşlarımız, birliyə və bərabərliyə çox ehtiyacımız olduğu bu günlərdə xalqımızın ümid etdiyi təşkilatlarımız təəssüflər olsun ki, bölünmüş, parçalanmış durumdadır”.

Müraciət müəllifləri bildirib ki, eyni amal uğrunda mübarizə aparan DAK fəalları heç bir ciddi səbəb olmadan iki təşkilata bölünmüş vəziyyətdədir : “Hamımız yaxşı görür və bilirik ki, güc birlikdədir və bölünüb parçalandıqca, azalırıq”.

Kültür başqanları 21 Azərlə bağlı Hollandiyanın Amstredam şəhərində 2009-cu ilin dekabrında keçirilən toplantıya işarə edərək, bildirib : “Bu yığıncaqda indiyə qədər DAK-a sədrlik etmiş, idarə heyətlərinin üzvü olmuş insanların bir yerdə olması tədbirə əlavə güc verdi”. Müəlliflər diaspor təşkilatlarının birliyə doğru addımı kimi DAK-ların birləşməsi təklifini irəli sürür.