Diaspor

Ana səhifə

Diaspor

ABŞ-da Xocalı Anım Həftəsi keçiriləcək

14 yanvar 2010 08:33 (UTC +04:00)

Vaşinqton. İzabel Levin-APA. Bu il ABŞ-dakı Azərbaycan və Türk diasporları Xocalı qətliyamını anmaq üçün səylərini birləşdirəcəklər. APA-nın Vaşinqton müxbirinin verdiyi məlumata görə, 2010-cu il fevralın 19-26-da Azərbaycan-Amerika Şurası (AAC), Amerika Azərbaycan Cəmiyyəti (ASA), Türk-Amerika Assosiasiyaları Assembleyası (ATAA) və Berklinin Türk Tələbələri Assosiasiyasının (TSAB) tərəfdaşlığı ilə ABŞ-da Xocalı Anım Həftəsi keçiriləcək.

Yuxarıda adı çəkilən təşkilatlar fevralda eyni həftə ərzində “Pax Turcica” təşəbbüsü çərçivəsində 2010-cu il ABŞ-da siyahıyaalma ərəfəsində birgə icma seminarları təşkil edəcəklər.

Ötən illərdə AAC, ASA və TSAB-ın təşəbbüsü ilə hər il Xocalıya dair məlumat kampaniyaları təşkil olunub. 2009-cu ilin yanvarında bu üç qrup bütün Amerikada “Xocalıya Ədalət” kampaniyası çərçıvəsində Amerika universitetlərində tədbirlər keçıirərək bu müharıbə cinayətinə həm hüququ, həm də insan hüquqları baxımından qiymət verilməsinə çalışıblar.

“Pax Turcica” təşəbbüsü türkdilli ölkələrdə müasir problemlərin təhlili və müzakirəsinə alimləri, tələbələri və icma qruplarını cəlb etmək üçün yaradılmış kütləvi akademik platformadır.

Fevralın 19-26-da Berklidə Kaliforniya Universitetində Azərbaycan və Türk diasporları tərəfindən Xocalıya həsr olunmuş müzakirələr və siyahiyaalmaya dair “Pax Turcica” seminarı keçiriləcək. Fevralın 19-26-da Kolumbiya Universitetində də Xocalı müzakirələri və Pax Turcica seminarı təşkil olunacaq. Fevralın 26-da Nyu Yorkda BMT-nin binası qarşısında “Xocalıya Ədalət” xatirə yürüşü və anım mərasimi keçiriləcək.